يوم كنت علبة بيبسى ههههههههههه

السلام عليكم ورحمة الله وبركاته..

كيف حالكم كلكم..

لا اطول عليكم واندخل غي السالغ على طول..

3
2
1
اكشن>>>>>>مسوي فيلم مع وجهي ههههههههههه

كان يا ماكان في سالف لعصر والأوان>>>>تذكرت جدتي يوم تقول قصص ما قبل النوم

كان في واحد اسمه عمر((اللي هو انا)) وخويي حمود..
طفشنا من الحصه والاستاذ رفع ضغطي من كثر ما يشرح..
قلتله وش رايك نلعب لعبة..

قالي وش اللعبه..
قلتله نتخيل ان انا وانت قواطي ببسي((اي علب ببسي))
قال موافق..

وتبدأ القصه من هنا..





كانت حياتي داخل مصنع الببسي و كانو حاطيني انا و اخوياي داخل دولاب كبيييير
وكانو العمال ياخذون باليوم حوول ثلاثين قوطي ويعبونه ببسي
و انا و اخوياي كنا بنص الدولاب يعني دورنا بالتعبيه متأخر
و نسولف و نهرج و ندردش ونقلب الموضوع تشات خخخخخخ

عاد مره من المرات كنا نسولف الا اثنين تهاوشو

انا : وش فيكم متهاوشين
المتهاوش1 : قاعد يدف من وراي
المتهاوش2 : والله ما دفيت
المتهاوش1 : اجل من هو اللي دف
المتهاوش2 : انا قدامك وشلون ادفك
انا : خلااااااص اقطعو الهرج الحين بخليكم باول الدولاب عشان ياخذونكم ويعبونكم ببسي

انا : يا حمود((حمود خويي قوطي ببسي زيي )) ما ودك نطلع من ذا السجن اللي عايشين فيه
حمود : قداااااام
انا : يعني نروح أول الدولاب ؟
حمود : ايه يلا وش تنتظر ((وش تنتظر يا محرق القلب بالنار<-- خاشه عرض ))

وفي ذلك اليوم يأتي العامل --->
و يسحبنا من خشتنا الكريمه <---- حركتات

حطونا بالطابور ورا بعض
عاد انا و حمود ما عندنا شي اسمه طابو و نطمر وصرنا باول الطابور

وياخذنا العامل ويحط كل واحد فينا داخل غرشه كبيره
وهذا الشي عشان العمل السيولكوجي للببسي مع القوطي <--- انطم بس
وبعدين صرت انا ببسي تويست عادي و حمود ببسي تويست دايت --->

وبعدين صرنا داخل كرتون ببسي و قببناها هوشه مع الببسيات الثانيه داخل الكرتون
وبعدين جا دور الكرتون حقنا و يودونه سيارة توزيع الببسي على البقالات

بعدين ودونا البقاله و يجي الهندي يفك الكرتون
و يحطنا بالثلاجه مع السفن أب و الميرندا و صارت الدعوه خليطي بليطي

وبعد مرور يوم في الثلاجه
انا : حمود شوف ذيك الميرندا عاجبتني
حمود : وانا عاجبتني السفن أب والله انها قطعه
انا : وش رايك نشبك
حمود : ما عندي فيش عشان أشبك
انا : كل تبن ولا تقعد تستخف دمك .. و انتظر خلني اشبك معهم

السفن أب : يا ميرندا انا عاجبني حمود
ميرندا : انا عاجبني اللي جنب حمود


وشوي اقوم انا و اكح اكح اكح اكح اكح و شوي يجيني حمود وش فيك
انا بشويش : سو نفسك مبتلش ولاتعرف وش تسوي واطلب المساعده
حمود : وش فيك ؟؟ تكفون ابي احد يساعدني يا ميرندا .. يا سفن اب

السفن أب : عسا ما شر حمود
ميرندا : وش فيكم ؟؟
حمود : هااااا وش فيكم <--- ضيع الرجال يوم شاف السفن أب
وشوي انا اقوم ولا فيني شي
ميرندا : وش فيك توك مريض وتكح
انا : بصراحه يوم شفتس زال المرض
ميرندا بخجل : شكرا
انا : عففففففففوا
وحنا ما ندري الا السفن اب و حمود داقين ابوها سواليف
انا : شوفيهم يسولفون وحنا لا
ميرندا : نسولف ليه لا
عاد قمنا نسولف وعطيتها من الصواريخ والارانب
عاد الحين طاحت الميانه بيني وبينها وبين السفن أب و حمود
و في ذلك اليوم الشين
يأتي واحد كاشخ و لابس نظارته ومسوي لي فيها هو وضروسه--->
و يقول حق عزيز راعي البقاله واحد ميرندا و واحد ببسي
انا و خويتي ارتجفففنا
و يجي عزيز راعي البقاله يسحبنا من خشتنا ويحطنا بالكيس
و حمود و سفن اب في الزاويه مدري وش يسوون ولا درو شي

المهم و يجي اللي شرانا و يشربنا واحد ورا الثاني و يقطنا بالشارع
انا : يا ميرندا وين نروح ؟؟
ميرندا : مدري
انا : خلنا نروح باحد ذا الدواعيس و نفكر
ميرندا : يلا خلنا نروح
و شوي نروح و نخترق الطرقات و السيارات و بعد مغامره وصلنا لأحد الدواعيس
ميرندا : احمد ربك ان الددسن ما ادعسك
انا : وانتي بغا الجمس يشيلس شيل
ميرندا : الحمد لله .. الله ستر
انا : بقول لس شي
ميرندا : عسا مهوب شي خطير ؟
انا : لا مهنا الا الخير
ميرندا : قول
انا : والله اني أحبس و ودي أتزوجس
ميرندا بخجل : لا تحرجني
انا : ابيس تصارحيني انتي تحبيني ؟
ميرندا بخجل : ايه
انا : طيب ما عندس ابو ولا ام والا مقطوعه من شجره زيي
ميرندا : الا ابوي موجود
انا : وينه ؟
ميرندا : بداعوس بيت العوير
انا : وين ذا بيت العوير
ميرندا : امش معي

و نخترق الطرقات و السيارات وكل هذا ممن أجل حبي الوحيد
وصلنا عند ابوها
انا : السلام عليكم
ابو ميرندا : وعليكم السلام .. يا مرحبا
انا : كيف حالك يا عمي
ابو ميرندا : بخير الله يسلمك
انا : بغيت اكلمك بموضوع بس منيب عارف كيف ابدا
ابو ميرندا : قول الزبده وانا عمك
انا : بغيت اخطب ميرندا بنتك
ابو ميرندا : هذي الساعة المباركه
انا : يعني نقول مبروك
ابو ميرندا : مبروك
و بعدين سوو صك الزواج و تزوجنا على سنة الله ورسوله

و عاد انا و ميرندا لقينا سلٌم حطيناه على سياره ددسن عشان نرقى بالحوض
و يوم دخلنا الحوض و يطيح السلٌم و لحنا عارفين وش بنسوي
و يجي الصباح و يجي راعي السياره و يركب هو اهله السياره
و يقط بساط بالحوض يعني بيروحون البحر
و يوم وصلو البحر و يسحب راعي السياره البساط و يسحبنا وياه ويطيرنا بالبحر

عاد حنا ما نعرف نسبح و بعدين رحنا تعلقنا بلوح خشبي موجود بالبحر
و يمشي فينا ذا اللوح و رقدنا ولا قمنا الا احنا بجزيره
و الجزيره هذي حقت ذولي البدائيين و الهنود الحمر
و ميرندا حبيبي تصييييييح و انا اروح اواسيها

وشوي الا يجنا واحد من الهنود الحمر
و يقعد يلمس يبي يعرف وش حنا منه
و يمسكنا و يصرخ ويقول هاكونا ماتاتا بوتيتو توتو و يجمتعون الناس
ويقوموني علقونا --->
و يجي حمودو يتهاوش معهم و يذبح لك واحد
و ياخذ حمود النبيطه و يصوبها على الحبل اللي حنا فيه <--- حركات
و بعدين يوم نزلت انا و ميرندا شردنا مع حمود و ركبنا سفينة حمود ولقينا فيها سفن أب

قلنا له كيف طلعت من الثلاجه وقال لنا السالفه و طلع ان نفس سالفتنا صارت له
و يقول انه هو هنا من زمان و مندس ولااحد بداري و شافنا و انقذناو السفينه يقول حق واحد من الهنود الحمر توه متخرج من امريكا
وبعدين رجعنا الديره و عشنا في أمن و أمان

ههههههههههه مضحك اوى الحوار دة

هههههههههههههههه

لا بجد الموضوع يضحك يا سندريلا ههههههههههههه

شكرا ياعلى
وشكرا لطماطم

ههههههههههههههههههه جميل اوى الحوار سندريلا

ههههه شكرا يلؤلؤة