ستايلا


 
الرئيسيةالبوابة*س .و .جقائمة الاعضاءالمجموعاتالتسجيلدخول

شاطر | 
 

 قصيدة 'يا شعبي' ... شعر محمد حسني مبارك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Tamatem
نائب المدير
نائب المدير


انثى
عدد الرسائل : 1180
العمر : 21
الموقع : ALEX
العمل/الترفيه : ان شاء الله مهندسة
المزاج : فرحانه موووووت
مزاجى :
المهنة :
هوايتى :
تاريخ التسجيل : 16/07/2008

مُساهمةموضوع: قصيدة 'يا شعبي' ... شعر محمد حسني مبارك   الإثنين أكتوبر 06, 2008 9:15 pm

ياشعبي حبيبي

ياروحي يابيبي

ياحاطك في جيبي

يابن الحلال

ياشعبي ياشاطر

ياجابر خواطر

ياساكن مقابر

وصابر وعال

ياواكل سمومك

يابايع هدومك

ياحامل همومك

وشايل جبال

ياشعبي اللي نايم

وسارح وهايم

وفي الفقر عايم

وحاله ده حال

احبك محشش

مفرفش مطنش

ودايخ مدروخ

واخر انسطال

احبك مكبر دماغك

مخدر

ممشي امورك كده باتكال

واحب اللي ينصب

واحب اللي يكدب

واحب اللي ينهب

ويسرق تلال

واحب اللي شايف

وعارف وخايف

وبالع لسانه

وكاتم ماقال

واحب اللي قافل عيونه

المغفل

واحب البهايم

واحب البغال

واحب اللي راضي

واحب اللي فاضي

واحب اللي عايز يربي العيال

واحب اللي يائس

واحب اللي بائس

واحب اللي محبط وشايف محال

واحبك تسافر

وتبعد تهاجر

وتبعت فلوسك دولار او ريال

واحبك تطبل

تهلل تهبل

عشان مطش كوره

وفيلم ومقال

واحبك تأيد

تعظم

تمجد

توافق

تنافق

وتلحس نعال

تحضر نشادر

تجمع كوادر

تلمع تقمع

تظبط مجال

لكن لو تفكر

تخطط

تقرر

تشغل دماغك

وتفتح جدال

وتبدأ تشاكل

وتعمل مشاكل

وتنكش مسائل

وتسأل سؤال

وعايز تنور

وعايز تطور

وتعملي روحك مُفرد رجال

ساعتها حجيبك

لايمكن اسيبك

وراح تبقى عبره وتصبح مثال

حبهدل جنابك

وأذل اللي جابك

وحيكون عذابك ده فوق الاحتمال

وامرمط سعادتك

واهزأ سيادتك

واخلي كرامتك في حالة هزال

وتلبس قضية

وتصبح رزية

وباقي حياتك تعيش في انعزال

حتقبل ححبك

حترفض حلبك

حتطلع

حتنزل

حجيبلك جَمااااال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.socegy.com/
 
قصيدة 'يا شعبي' ... شعر محمد حسني مبارك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ستايلا :: الادب والشعر :: الشعر والكلمات الجميلة-
انتقل الى: